ನೀವೂ ಕಾನನಕ್ಕೆ ಬರೆಯಬಹುದು

ತುಂಬ ಸೂಕ್ಷ್ಮವಾಗಿ ಗಮನಿಸಿದರೆ, ಚಿಂಪಾಂಜಿಗಳಲ್ಲಿ ಮನುಷ್ಯರನ್ನು ಹೋಲುವ ಅನೇಕ ಲಕ್ಷಣಗಳನ್ನು ಕಾಣಬಹುದು. ಶತ್ರುಗಳನ್ನು ಬೆದರಿಸಲು ಅವುಗಳು ಕಲ್ಲುಗಳನ್ನು ಎಸೆಯುವುದು, ಕೋಲುಗಳನ್ನು ಬಳಸುವುದು ಗಮನಾರ್ಹ. ಗಟ್ಟಿ ಕಾಯಿಗಳೊಳಗಿನ ಬೀಜಗಳನ್ನು ಬಿಡಿಸಲು ಕಲ್ಲಿನಿಂದ ಕುಟ್ಟುವುದು, ಹುತ್ತದೊಳಗಿನ ಗೆದ್ದಲುಗಳನ್ನು ಉದ್ದದ ಕಡ್ಡಿಯ ಸಹಾಯದಿಂದ ಹಿಡಿದು ತಿನ್ನುವುದು—ಇವುಗಳ ಬುದ್ಧಿವಂತಿಕೆಯನ್ನು ತೋರಿಸುತ್ತವೆ.

ಚಿಂಪಾಂಜಿಗಳು ಮಿಶ್ರಾಹಾರಿಗಳಾಗಿದ್ದರೂ, ಅವುಗಳ ಆಹಾರದಲ್ಲಿ ಮುಖ್ಯವಾಗಿ ಸೊಪ್ಪುಗಳು, ಹೂವುಗಳು, ಕಾಯಿಗಳು, ಹಣ್ಣುಗಳು ಹಾಗೂ ಬೀಜಗಳು ಸೇರಿರುತ್ತವೆ. ಸುಮಾರು ಮುನ್ನೂರು ಬಗೆಯ ಸಸ್ಯಾಹಾರಗಳನ್ನು ಅವು ಸೇವಿಸುತ್ತವೆ ಎನ್ನುವುದು ಗಮನಾರ್ಹ.

ಚಿಂಪಾಂಜಿಗಳು ‘ಫಿಷನ್–ಫ್ಯೂಷನ್’ ಮಾದರಿಯ ಸಾಮಾಜಿಕ ವ್ಯವಸ್ಥೆಯಲ್ಲಿ ಬದುಕುತ್ತವೆ. ಒಂದೇ ಸಮುದಾಯದಲ್ಲಿ ಸಾಮಾನ್ಯವಾಗಿ 20 ರಿಂದ 150 ಸದಸ್ಯರು ಇರಬಹುದು; ಆದರೆ ಅವುಗಳು ದಿನನಿತ್ಯ ಸಣ್ಣ ಗುಂಪುಗಳಾಗಿ ವಿಭಜನೆಗೊಂಡು ಸಂಚರಿಸುತ್ತವೆ.

ಹಿಂದೆ ಅವುಗಳ ನೈಸರ್ಗಿಕ ಆವಾಸಗಳಲ್ಲಿ ಭಾರೀ ಸಂಖ್ಯೆಯಲ್ಲಿ ನೆಮ್ಮದಿಯಿಂದ ಜೀವಿಸುತ್ತಿದ್ದವು. ಆದರೆ ಇತ್ತೀಚಿನ ದಶಕಗಳಲ್ಲಿ ಅವುಗಳ ಸಂಖ್ಯೆ ವೇಗವಾಗಿ ಕಡಿಮೆಯಾಗುತ್ತಿದೆ. ತಜ್ಞರ ಅಂದಾಜಿನ ಪ್ರಕಾರ, ಈಗ ವಿಶ್ವದಲ್ಲಿ ಚಿಂಪಾಂಜಿಗಳ ಒಟ್ಟು ಸಂಖ್ಯೆ ಸುಮಾರು 1.7 ಲಕ್ಷದಿಂದ 3 ಲಕ್ಷದ ನಡುವೆಯಿದೆ.

ಅರಣ್ಯ ನಾಶ, ಮಾಂಸಕ್ಕಾಗಿ ನಡೆಯುತ್ತಿರುವ ಕಳ್ಳ ಬೇಟೆ ಮುಂತಾದ ಮಾನವ ಚಟುವಟಿಕೆಗಳು ಚಿಂಪಾಂಜಿಗಳನ್ನು ಅಳಿವಿನ ಅಂಚಿಗೆ ತಳ್ಳಿವೆ. ಈ ಹಿನ್ನೆಲೆಯಲ್ಲೇ, ಜುಲೈ 14ನ್ನು “ವಿಶ್ವ ಚಿಂಪಾಂಜಿ ದಿನ” ವೆಂದು ಆಚರಿಸಲಾಗುತ್ತದೆ.

ಈ ರೀತಿಯ ಪರಿಸರದ ಬಗೆಗಿನ ಮಾಹಿತಿಯನ್ನು ಒದಗಿಸಲು ಇರುವ ಕಾನನ ಇ-ಮಾಸಿಕಕ್ಕೆ ಮುಂದಿನ ತಿಂಗಳ ಸಂಚಿಕೆಗೆ ಲೇಖನಗಳನ್ನು ಆಹ್ವಾನಿಸಲಾಗಿದೆ. ಆಸಕ್ತರು ಪರಿಸರಕ್ಕೆ ಸಂಬಂಧಿಸಿದ ಕಥೆ, ಕವನ, ಛಾಯಾಚಿತ್ರ, ಚಿತ್ರಕಲೆ, ಪ್ರವಾಸ ಕಥನಗಳನ್ನು ಕಾನನ ಮಾಸಿಕದ ಇ-ಮೇಲ್ ವಿಳಾಸಕ್ಕೆ ಕಳುಹಿಸಬಹುದು. 

ಕಾನನ ಪತ್ರಿಕೆಯ ಇ-ಮೇಲ್ ವಿಳಾಸ: kaanana.mag@gmail.com 

ಅಂಚೆ ವಿಳಾಸ:

ಅಡವಿ ಫೀಲ್ಡ್ ಸ್ಟೇಷನ್,
ಒಂಟೆಮಾರನ ದೊಡ್ಡಿ ಗ್ರಾಮ ,
ರಾಗಿಹಳ್ಳಿ ಅಂಚೆ,
ಜಿಗಣಿ ಹೋಬಳಿ,
ಆನೇಕಲ್ ತಾಲ್ಲೂಕು ,
ಬೆಂಗಳೂರು ನಗರ ಜಿಲ್ಲೆ
ಪಿನ್ ಕೋಡ್: 560083. ಗೆ ಕಳಿಸಿಕೊಡಬಹುದು.